Suksesi i videoklipit të këngës ‘Suus’

Videoklipi i këngës shqiptare ‘Suus’ me të cilën këngëtarja Rona Nishliu do të përfaqëson shqiptarët në Eurovision Song Contest 2012 renditet në top dhjetshën e videoklikimeve më të shikuara të Eurovizionit 2012.

22 maji është dita kur artistja shqiptare, Rona Nishliu, do t’i përfaqëson ngjyrat kuq e zi në eventin më të madh muzikor në Evropë, Eurovision Song Contest i cili mbahet këtë vit në Baku të Azerbajxhanit.
Ndërkohë, të gjitha videoklipet e këngëve përfaqësuese të cilat do të garojnë në këtë garë janë publikuar në faqën zyrtare të kësaj organizate.
Në listen e 42 shtetëve konkurente, në vendin e parë renditet videoklipi i këngës ruse që ka mbi një milion klikme. Rusia këtë vit përfaqësohet në Eurovizion nga një grup i përbërë nga gjashtë gjyshe të moshuara të quajtur ‘Buranovskiye Babushki’. Ndërsa videoklipi artistik i këngës shqiptare ‘Suus’ i cili është drejtuar nga Bekim Lumi dhe realizuar nga kompania Koperativa renditet në top 10 dhjetshën e videove më të klikuara  i cili brenda një kohe të shkurt ka marrë mbi dyqind mijë klikime.

Sipas shumë sondazhve, favorit më i madh për të fituar këtë edicion të festivalit evropian, është shteti suedez që përfaqësohet më këngën ‘Euphoria’, kënduar nga këngëtarja Loreen.