Rona Nishliu me kreatoren e preferuar të saj në Eurosong

Përfaqësuesja shqiptare në Eurovizion 2012, Rona Nishliu e cila e ka zhvilluar sot provën e dytë të këngës 'Suus', ka mbajtur akoma sekret veshjen të cilën ajo do të vesh në gjysmë finalën e parë të Eurovizionit me 22 maj.
Meqënse një pjesë e madhe e këngëtarëve pjesëmarrës në Eurosong 2012 i kanë zbuluar sot veshjet e tyre përfundimtare, Rona ka preferuar të pret për këtë gjë deri të hënën me 21 maj kur ajo do të ketë provën e tretë, me veshje zyrtare.
Ne kemi mësuar se për veshjen e Ronës është përkujdesur kreatorja shqiptare Flutura Dedinja. Kjo ka stiluar Ronën në momentet më të rëndësishme në karierën e saj, duke përfshirë edhe veshjen në videoklipin e këngës 'Suus'.
Fotografit më lartë janë të gjitha krijme të kreatores së mirënjohur shqiptare Flutura Dedinja. Përveç Ronës,  Flutura ka bashkëpunuar edhe me emra tjërë të showbizit shqiptarë.