Top Fest 9, Elhaida triumfon ndërsa Kejsi Tola mbetet jashtë finales

Është mbyllur edicioni i 9-të i festivalit muzikor Top Fest në Shqipëri. Këngëtarja e talentuar nga Shkodra triumfon në këtë garë. Ajo ka marrë jo një, por dy çmime. Përveç çmimit të madh prej 10 mijë €, Elhaida është vlerësuar edhe me çmimin “Artisti/ja i ri më i mirë”, një shtyrje e fortë për ata që futen rishtas në rrugën e karierës muzikore. Elhaida ishte e shkëlqyer në performancën e saj me këngën 'S'je më' të kompozuar nga kompozitori Kledi Bahiti. Edicioni i 9-të i festivalit Top Fest ishte me plot befasi. Kampionja e e këtij festivali, Besa Kokëdhima u kthye përsëri në këtë garë muzikore, por ajo erdhi ndryshe këtë herë. Besa u paraqit me një këngë ritmike e cila e shpërbleu me çmimin e radios. Kompozimet e kantautorit Flori Mumajesi dominuan në këtë spektakël. Këngën e tij më të bukur Flori e kishte ruajtur për këngëtaren Argjentina Ramosaj, e cila debutoi në Top Fest. Befasira më e madhe e Top Fest 9 ishte eliminimi i këngëtarës Kejsi Tola (përfaqësuesja shqiptare në Eurosong 2009) e cila nuk arriti të kalon në natën e madhe finale.

Çmimet e tjera te ndara gjate finales se Top Fest janë:

Çmimi “Best Female”, Xhensila Myrtezaj
Çmimi “Best Pop”, Erik Lloshi
Çmimi “Best Balade”, Argjentina Ramosaj
Çmimi “Best Male”, Adrian Lulgjuraj
Çmimi “Top Albania Radio”, Besa Kokedhima
Çmimi “Best Group”, grupi “Burn”
Çmimi “Best rock alernative”, Nita Latifi
Çmimi “Best hip-hop & RnB”, Stresi dhe Xheraldina
“Çmimi i Internetit”, Klajdi Haruni
Çmimi “Best new artist”, Elhaida Dani

Kënga fituese e Top Fest 9, Elhaida Dani - S'je më