Është mbyllur edicioni i parë i spektaklit muzikor X Factor Albania. Kandidatja Sheila Haxhiraj me mentore Juliana Pashën rrëmben çmimin e parë.
Kjo garë e madhe muzikore është organizuar për herë të parë në Shqipëri në kanalin televiziv TV Klan. Nga fazat e shumta eliminuese u nxjerrën vetëm 16 finalist që vazhduan garën në netët live.
Për grupin mbi 23 vjeç u kujdes këngëtarja Vesa Luma, grupin e grupeve muzikore e trajnoi tekstshkruesi i njohur Pandi Laço. Këngëtarja Juliana Pasha ishte mentorja e vajzave, ndërsa grupi i djemve ishte nën kujdesjen e kantautorit Alban Skenderaj.
X Factor Albania ishte një garë e gjatë me plot emocione e organizuar mjeshtërisht nga televizioni TV Klan, nën udhëheqjen e regjisores Vera Grabovcka dhe me prezentim nga prezentuesja e shkathtë Alketa Vejsiu.
Beteja e madhe në natën finale u zhvillua në mes të dy vajzave të Julianës, Xhesika Polo, Sheila Haxhiraj dhe Kristos që ishte në grupin e Albanit. Perveç performancave të kandidatëve të X Factor Albania, nata finale kishte edhe plot befasira tjera. Këngëtari shqiptarë Ardian Bujupi i cili u zbulua në shtetin gjerman në një spektakël të tillë, kishte ardhur enkas nga Gjermania për të përformuar në X factor. Edhe këngëtarja energjike nga Kosova, Genta Ismajli (Eurosong Zvicër 2011) ishte mysafire e kësaj mbrëmje.
Në rundin e parë në natën finale, Sheila dhe Kristo dolën fitues, ndërsa Xhesika u eliminua. Në rundin përfundimtar Sheila Haxhiraj arriti të fitojë votën e publikut dhe u shpall fituese e edicionit të parë X factor Albania. Vendi i parë shpërblehet me një kontratë ekskluzive nga producentët Berman Brothers, që do të ketë synim tregun muzikor evropian.
Një nga performancat e Sheilës në X factor Albania
No comments:
Post a Comment