Rona Nishliu shkon në Hollandë

Kanë mbetur vetëm edhe disa ditë deri sa të publikohet versioni final i këngës shqiptare me të cilën këngëtarja e mirënjohur Rona Nishliu do të përfaqëson shqiptarët në Eurovision Song Contest 2012. Gjithçka duket të ketë përfunduar tani dhe këngëtarja është gati të bëjë zyrtarisht prezentimin e këngës së saj.
Ndërkohë, Rona Nishliu e cila po vlerësohet maksimalisht nga organizatat e Eurovizionit për vokalin e saj të mrekullueshem, ka konfirmuar pjesëmarrjen edhe në koncertin promovues në Hollandë. Këtë lajm e bën të njohur organizata e këtij eventi në rrjetet e tyre zyrtare.
Eurovision in Concert 2012 quhet koncerti ku përfaqësuesit e shteteve të ndryshme mund të promovojnë këngët e tyre. Ky do të jetë edhe momenti i parë ku publiku evropian do të njoftohet me këngën shqiptare.
Këtë vit është edicioni i katërt i këtij koncerti i cili mbahet me datën 21 april në Amsterdam të Hollandës. Përkrah Ronës do të performojnë edhe 18 përfaqësues tjerë.